كوسة سياسة

كوسة سياسة .. قلم كٌراسة

حزب يدافع ومهوش نافع

عاوز يحكم فينا وراثة

......

حياة وبتعدى ومين بأة قدى

عايش فى بلدى وبموت فى جلدى

من اللى عدى علينا وداس َ

.....

كوسة سياسة ..قلم كٌراسة

مية بتنقص وحياتنا ترخص

وناس تفكر إزاى تحضر

فطارها بكرة وشوف على فكرة

الناس دى بتستغيث يا رياسة

.......

حياتنا مرة وتقولوا حرة

عايزينا نطفش ونبقى برة

والهجره غالية وفلوسها عالية

طب نعمل أيه وإحنا فى دراسة

كوسة سياسة ..قلم كٌراسة

سيبونا جوة وإدونا قوة

نبنى ونعمر وفيها نكبر

وبينا تعلا وفيها نعلا

لا قولنا كنز ولا حتى ماسة

.......

بدل ما نبنى فى ملك غيرنا

ويجى غيرنا يجيب بدالنا

ونبنى تانى لحد تانى

ويجى هو يجيب بدالنا

ونبنى تانى لحد تانى

.....

لجان تزور وناس تكسر

وكله ساكت وإرادة ماتت

هنعزى فيها هى وحماسة

.....

كوسة سياسة قلم كٌراسة

حزب يدافع ومهوش نافع

عاوز يحكم فينا وراثة