لو ع الكلام جايز اكون مليت
لكنى بعد الجرح صبرت وإستنيت
لكن كلامى فضل موجوع بألفين أه
قالوا اللى ينسى الجرح يرمى اللى عدى وراه
أيوة نسيت الوجع .. لكنى يوم ما أنساه
أعمل لقلبى ايه لو كان اسير لهواه
يمكن جراح قلبى والحزن اللى شافو
رد اللى كان ذنبى زمان او حمل على كتافو
ما أنا يامة بردو قسيت زمان بإسم المثالية
وجرحت يامة قلوب كتير كانوا مغرمين بيا
لكنى عمرى ما ظلمت حد إشترى قلبى
ولا مرة منى حرمت اللى وقف جمبى
كل اللى بتمناه يا رب هو إنى انساها
يا رب شيل من قلبى حبها وهواها
والذكريات اللى فى قلبى تتمحى أصلها بتوجع
أنساها وإن شاء الله حتى كل اللى كان قبلها يرجع