بتخسر نفسك يا غالى
وهتضيع ويا الليالى
عاوز تكسب حاجات ملهاش لزمه فى حياتك
كلام الناس وصوت نفسك اللى فيك بتنافسك
إتغير على كيفك وشوف واعمل الى يريحك
هتلاقى الى يحبك بكلامه ليك يجرحك
علشان خايف عليك مهو لو سابك لنفسك هتضيعك
عاوز تبان مبسوط ومظبوط ولو حتى بأوهامك
فاكر عمايلك ديا مفرحانى فيك ,لا والله
ده انت صعبان عليا , ولو بروحى أفديك اه والله
تعرف يا غالى حكايتك , إنك ضليت بجد
بتحاول تكسب حاجات لو تخسر أى حد
صدقنى كل الى جمبك مخدوعين فى ضحكتك
لو حسو بيك كانو عرفو إن الى انت فيه هيموتك
بلاش تقلل من نفسك وتبان أنك مش إنت
عشان صورتك يا غالى تهمنى لو متهمكش إنت
صدقنى الدنيا مش مستاهلة كل الى انت بتعمله
تتأخر بره وتخون العشرة وحياتك مرة , طب على ايه
كانت أحسن حالاتك وانا جمبك وانت عارف ليه
لو ضريتك بغير قصد صدقنى زعلت من نفسى
لكن حقيقة حبى ليك زي حقيقة حبى لنفسى
كلامى ممكن ميتفهمش لانى عارف الى انت فيه
صديت وإتحديت ومش ناوى تسمع كلام بصوتى
وهتقول لازم اعمل عكس الى بيقوله حتى لو كان فيها موتى
والله قولت الكلام ده من خوفى بس عليك ,
وعشان أريحك وأطمنك خلاص مش هينفع تكون ليا ولا اكون ليك ,
بعد الى عملته فيا ,وسقتنى كتير قسيا وحرمت نفسك عليا انا بطمنك أكتر ,روح انا دعيتلك ربنا يهنيك !!!