عشان الحب اللى كان .. والعشرة الطيبة وأيام زمان
والمحبة والغزل والحب اللى كنت ليكى فيه ترجمان
عشان مش خاين ومش قاسى هأبعد عن دنيتك كمان وكمان
عشان مفتكرش السنين واللى فات واهات واحزان
عشان محسش غدر وجرح وقسوة ونسيان
عشان متهونيش عليا أشوفك زى اللى جرح واللى خان
هنساكى يا حب عمرى يا اغلى وأعز إنسان
وهأسيبك لدنيتك ونصيبك وأنا فرحان
أه خسرت حاجات كتير فى حبك بس انا الكسبان
مهونتيش يوم عليا وفى الاخر عليكى حبى هان
مش هألومك ولا أعاتبك على اللى بعتيه والى ضيعيته واللى كان
ده أنتى أشتريتى رخيص وبعتى غالى بأقل وارخص الاثمان
بعتى اللى حبك واللى ضمك واللى حسك عشان خاتم ودبلتين
حب يومين تشتريه وتبيعى فى لحظة حب سنين
منا كمان كنت جايبلك خاتم بردو ودبلتين ..
بس كان منك الرد وتغيير الكلام والهروب والخصام
مش وقت عتاب وكلامى مش غنوة فى جواب
كلامى نصيحة ممكن تكون جريحة للى شافوا الغدر من الاحباب
شكراً ليكى ..تأكدى إنى ناسيكى ..
تعرفى لو الدنيا ترجع بيا .. واشوفك فى الحياة جيا بشوقك عليا
زى مكان .., فاكرة ولا ناسية .. أنتى الوحيدة الى هامحيكى من زاكرتى بكل حنية
لانك بكل بساطة الوحيدة الى جرحتنى على قد ما حبيتها وحبتنى
واه لو الدنيا ترجع بيا